كلمات أغنية "أنا مصمم" بهاء سلطان من ألبوم "ومالنا"
أنا زعلتك في حاجة؟ طب أية يا حبيبي هيا؟
بتداري عينك لية؟ لما بتيجي في عنيا
وحكايتك بس أية؟ فيك حاجة مس عادية
قوللي يا حبيبي حاجة متصعبهاش عليا
أنا مصمم مش ماشي قبل ماتتكلم مقدرش أسيبك تتألم
ساكت يا حبيبي ليه؟
أنا ضايقتك؟ طب قولت حاجة متتقالشي؟
مش ماشي ولا سايبك تمشي قبل ما أفهم فيه أيه؟
قوللي حبيبي بصراحة ومشاعرك ليا سيبها
الدمعة اللي في عيونك فهمني أيه سببها
عينك في عنيا لكن حاسس بمسافة بينا
في حاجات غالية علينا بتضيع يا حبيبي منا
عايز تعاتبني عاتب طب لية عمال تفكر
ماهو ده الوقت المناسب قبل الأحزان ما تكبر
يا حبيبي سايبني لية عايش في الحيرة ديا
وإن كانت غلطة مني يبقي حقك عليا
أنا مصمم مش ماشي قبل ماتتكلم مقدرش أسيبك تتألم
ساكت يا حبيبي ليه؟
أنا ضايقتك؟ طب قولت حاجة متتقالشي؟
مش ماشي ولا سايبك تمشي قبل ما أفهم فيه أيه؟
:::: كلمات أغنية ::::
:::: أنا مصمم :::: بهاء سلطان ::::
:::: من ألبوم :::: ومالنا ::::
ليست هناك تعليقات:
إرسال تعليق